السلام عليكم ورحمة الله وبركاته

فى الاول معلش على الغياب 

لانى اضربت ضربتين فى الصميم خلتنى اغيب عنكم

الاول

ان البورده باظت 

ومتعرفوش حجم المعانا وازاى عينيا دمعت وقلبى انفطر

حزنا على البورده المفقوده 

الثانى

ان سلك النت اتقطع 

وكأن المصائب لا تأتى فرادى

ودى كانت صدمه كافيه جعلتنى 

اكتئب واحزن طوال الفتره السابقه

ثالثا (البشرى)

الحمدلله المصيبه اللى ربنا ابتلانا بيها خلصت 

بعد ما دعيت وابتهلت الى الله ان يخفف عنى البلاء

واخويا الكبير حن عليا وادانى الفلوس وروحت جبت البورده

ومتتخيلوش لحظة السعاده اللى كنت فيها وانا ماسك البورده

وأد ايه بوست فيها وخدتها بالحضن رغم انها مستعمله قبل كده

رابعا

انا كنت ناوى اتكلم عن سيدنا عمر بن الخطاب

بس حبيب قلبى ادانى بوست مقدرش اقول لأ

حبيبى فى الله اخوانى حتى النخاع دبسنى فى 

تاج عشل زيه بالظبط 

ربنا يسامحنا على النفاق

المهم 

استعدوا

فتحوا عينكو

طرطقوا ودانكوا

جهزوا كل عشله فى أجسامكم

عشان تروا مالم تروا من قبل

بوست عليه اجابات ملهاش حل

مش هتلاقيها الا مع فارس النوبه ومدونة اوعى تفكر بس

السؤال الاول :مين الى دبسك فى التاج؟

حبيب قلبى العسل اخوانى حتى النخاع

السؤال التانى :اذكر سته اسرار قد لا يكتشفها من يقابلك اول مره ؟

*1-ان السؤال ده اتكرر عليا مليون مره وانا اتخنقت منه  بس معلش

2-انى بتخنق بسرعه وبتعصب رغم اللى يشوفنى يقول عليا ملاك

3-انى معهد مع انى اى حد هيقول عليا بشمهندس

4-انى بهزر كتير مع انى دايما فى الاول مديها كلام جد

5-انى خجول جدا .......بتكسف يعنى

6-عنيف رغم اللى يشوفنى يقول غلبان

اذكر 16 صفة عن نفسك ؟

1-طبعا رغاى وبحب احشر نفسى فى مواضيع كتير

2-انى بذاكر ليل نهار نهار وليل لغاية ما قطعت الكتاب

لدرجة انى دخلت المعهد 

3-مدمن انترنت وكمبيوتر

4-بهزر واهرج كتير لدرجة انى ناس كتير اتخنقت منى

5-ساعات بخلط الجد بالهزار وده عيب وحش اوى خسرنى ناس كتير من غير قصد

6-انى عصبى وبتنرفز بسرعه وده وقعنى فى مشاكل كتير 

بس مش لدرجة انى بتخانق مع دبان وشى

7-انى مفتول العضلات وطووويل اوى ....مش عايز اسمع ضحك 

8-ساعات كتير بعند واعترض واحكم رأيي بس مش عارف ليه دايما كلمتنى اللى بتنزل المرادى

9-مش بحب المشاوير واكره اللف واخروج الكتير من بيتنا كره العمى

10-بقرر حاجات كتير وأسوفها 

11_.................

12_.........................

13_.......................

14.............................

15_.................................

16_انى بتخنق من اللى يقولى 16 صفه يا عم حرااااام عليك

امرر التاج على :

لأجمل أيمنا

القعقاع

عاشقة الشهاده وفلسطين

بنت الحريه