السبت، 30 أغسطس 2008

السلام عليكم
رمضان خلاص جانا وبقى على الابواب ومفضلش غير يومين عليه
عملت ايه عشان خاطر رمضااااااااان؟؟؟؟؟؟؟
فكرت فى ايه عشان رمضان؟؟؟؟؟؟؟
احنا ممكن مع بعضينا نقعد نفكر فى رمضان
الاول زى متعودنا من زماااااااان هنفكر فى النيه
احنا بنصوووم ليه؟


1-بنصوم عشان تقوى الله وخشيته وطاعته
2-بصوم عشان انال حب الله
3- بصوم عشان ربنا قال كل عمل ابن ادم له الا الصيام فهو لى
4-اتباع الرسول والاقتداء به
5-حتى يشفع لى الصيام وادخل الجنه
6-عايو اخش الجنه من بااااب الريان
7-ان يحسن الله خاتمتى مش ممكن ملحقش رمضان الجااااااى مين فينا ضامن عمره
8-ايماننا بانه فرض من الله عز وجل واتباعه
9-التوبه عن المعاصى ودى فرصه لان الشياطين متسلسله(يارب دايما)
10-قيام الليل والتهجد
11-عشان نية الاعتكاف كمان بالذات فى اخر عشر ايام
12-فى كل ليله فى عتقاااااااء من النار يارب نكون منهم


طيب دى حبة نوايا كنت قاعد مع نفسى افكر فيه
وعملت كمان حبة اهداف ليه فى رمضان ارجو من اللله ان تنفعنى وتنفعكم
وقلت انشرها من باب المنفعه للجميع
خصوصا انى استفدت من مدونين اخرين فى تجميع تلك الاهداف


ملحوسه
حاجه مهمه اوى ياريت كل اخ وكل اخت تعمل لنفسها مجموعه من الاهداف
وتعمل للاهداف دى ورد ليها ويشارك نااااس معاه فى الورد
حتى لا يضيع رمضان
وتقبل الله من ومنكم





مسلسل

الهدف

الكميه

الدليل

1

الصلاة جماعه في المسجد

140

2

صلاة الفجر في المسجد

30 صلاه

4

حفظ جزئين على الأقل

الذي ليس في جوفه شيء من القرآن كالبيت الخرب) رواه البخاري.

5

ختم القران مرتين على الأقل

اقرؤوا القرآن فإنه يأتي يوم القيامة شفيعاً لأصحابه) رواه مسلم

6

حفظ الأربعين النووية

7

المحافظة على صلة الأرحام

5 مرات زيارة على الأقل

الرحم معلقة بالعرش تقول: من وصلني وصله الله ومن قطعني قطعه الله) رواه مسلم.

8

المحافظة على صلوات التراويح

30

من قام رمضان إيماناً واحتساباً غفر له ما تقدم من ذنبه وما تأخر) رواه البخاري.

9

المحافظة على صلاة التهجد

29

من قام رمضان إيماناً واحتساباً غفر له ما تقدم من ذنبه وما تأخر) رواه البخاري.

10

التصدق في سبيل الله

20 مره على الأقل

كان النبي صلى الله عليه وسلم أجود الناس وأجود ما يكون في رمضان) رواه البخاري..

11

إفطار صائم

15 مره على الأقل

من فطر صائماً كان له مثل أجره غير أنه لا ينقص من أجر الصائم شيء)رواه الترمذي وقال حديث حسن صحي

12

الدعوة إلى الله

حسب التساهيل

لأن يهدي الله بك رجلاً واحداً خير لك من أن يكون لك حمر النعم) رواه مسلم.

13

الاعتكاف

10 أيام

وممكن بين الصلوات

كان رسول الله صلى الله عليه وسلم يعتكف العشر الأواخر من رمضان) رواه البخاري.

14

صلاة الضحى

30 مره على الأقل

و صاني خليلي صلى الله عليه وسلم بثلاث صيام ثلاثة أيام من كل شهر وركعتي الضحى وأن أوتر قبل أن

15

أذكار الصباح والمساء

كل يوم

16

الجلوس من بعد الفجر حتى الشروق

30 مره على الأقل

17

الذكر

1000 مره

واجتهد انك تختار ذكر معين كل يوم

قال تعالى: (والذكرين الله كثيراً والذاكرات أعد الله لهم مغفرة وأجراً عظيماً)

18

الدعاء

قال تعالى: (أدعوني أستجب لكم

19

التهجد

30

20

قرأة كتب اسلاميه

10

21

بر الوالدين ومساعدتهم

30

22

صلاة السنن كلها

12 ركعه فى اليوم


الاثنين، 25 أغسطس 2008

يَا بَاغِيَ الْخَيْرِ أَقْبِلْ


عَنْ أَبِي هُرَيْرَةَ رضي الله عنه قَالَ

قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ

( إِذَا كَانَ أَوَّلُ لَيْلَةٍ مِنْ شَهْرِ رَمَضَانَ صُفِّدَتْ الشَّيَاطِينُ ، وَمَرَدَةُ الْجِنِّ ، وَغُلِّقَتْ أَبْوَابُ النَّارِ ، فَلَمْ يُفْتَحْ مِنْهَا بَابٌ ،

وَفُتِّحَتْ أَبْوَابُ الْجَنَّةِ ، فَلَمْ يُغْلَقْ مِنْهَا بَابٌ ،

وَيُنَادِي مُنَادٍ :

يَا بَاغِيَ الْخَيْرِ أَقْبِلْ ، وَيَا بَاغِيَ الشَّرِّ أَقْصِرْ ،

وَلِلَّهِ عُتَقَاءُ مِنْ النَّارِ ، وَذَلكَ كُلُّ لَيْلَةٍ ) .

فيا باغى الخير

أقبل بالطاعات

أقبل بالصلاه

أقبل بالزكاه

أقبل بالقرن

أقبل بالصدقات

ويا باغى الشر

أقصر بالذنوب

أقصر من المعاصى

أقصر من الشهوات

أخوانى هذه فرصتك وفرصتى فأن لم نتب الان

فمتى نتوب؟

ومتى نفيق؟

غلقت أبواب النار فى وجوهنا

وسلسلت الشياطين

ماذا أنت منتظر؟

هذه فرصتك وفرصتى وفرصتنا جميعا

هي الى توبه لانرجع عندها ابدا

هي الى عتق من النيران

هي الى شهر المغفره والغفران

هي الى ابواب الجنان

جزاكم الله خير

انتظرونا صباح الأحد ان شاء الله

مع بوست يومك فى رمضان مرفقا به جدول عملى

سبحانك اللهم وبحمدك .............أشهد ان لا اله الا انت .............

استغفرك واتوب اليك



الأربعاء، 20 أغسطس 2008

السلام عليكم ورحمة الله وبركاته

ازيكم ياشباب فى الاول كده عايزين نصلى على النبى عشر مرات

خلصتوا............ربنا يكرمكم

بس عايزين نتكلم عن حاجه مهمه اوى اوى اوى

هنتكلم عن فضل الصلاة على رسول الله

سمعنى الصلاه على رسولك


قال الله تعالىإِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيماً)


قال صلى الله عليه وآله وسلم صلى على حين يصبح عشرا وحين يمسى عشرا أدركته شفاعتي يوم القيامة

عايز شفاعته ولا لأ تخيل نفسك وانت واقف مذلول يوم القيامه وجتلك شفاعته هتردها

طب صلى عليه ربنا يباركلك

قال صلى الله عليه وآله وسلم:- 'إن أولى الناس بي يوم القيامة أكثرهم علي صلاة


عن عبدالله بن عمرو بن العاص ، رضي الله عنهما أنه سمع رسول الله صلى الله عليه وسلم يقول‏ :‏ ‏" ‏من صلى علي صلاة صلى الله عليه بها عشرًا ‏"‏‏‏رواه مسلم

وعن أوس بن أوس ، رضي الله عنه قال‏ :‏ قال رسول الله صلى الله عليه وسلم ‏:‏ ‏‏إن من أفضل أيامكم يوم الجمعة ، فأكثروا على من الصلاة فيه ، فإن صلاتكم معروضة علي

وعن أبي هريرة رضي الله عنه قال ‏:‏ قال رسول الله صلى الله عليه وسلم ‏:‏ ‏‏رغم أنف رجل ذكرت عنده فلم يصلِ علي‏ "‏ رواه الترمذي و قال حديث حسن‏.
رغم : أى وضع أنفه فى التراب ذلة له و تحقيراً

عرفنا بقى قد ايه اهمية الصلاه على رسولك

ياريت يا جماعه واحنا داخلين على شهر مبارك كده

نصلى على الرسول ونخلى لينا ورد ذكر على الرسول

انا الكلمه دى كنت قلتها فى المسجد

تخيلوا الاولاد قالوا ايه بعديها

والله يا جماعه الاولاد الصغار

صلوا الف مره على الرسول فى اليوم

ودول صغار عايزين نشوف الكبار

سبحانك اللهم وبحمدك .......اشهد ان لا اله الا انت ........استغفرك واتوب اليك.

الاثنين، 11 أغسطس 2008

فرصه وجت لغاية عندك؟؟؟؟؟؟؟

بسم الله والصلاة والسلام على رسول الله صلى الله عليه وسلم أما بعد
النهارده هنتكلم عن فرصه مش بتيجى كتيررررر
بتيجى مره واحده فى السنه........ حد عرف انا بتكلم عن ايه
ايوه الله ينور عليك ذكى ولماح ماشاء الله
انا هتكلم عن شهر شعبان
حقيقه خاب وخسر فعلا اللى ميستغلش شهر زى ده
شهر مبارك وبه ليله مباركه ان شاء الله
شهر كان يكثر فيه رسول الله صلى الله عليه وسلم من الصيام والقيام
لدرجة ان سيدنا اسامه بن زيد كان يلاحظ صيام الرسول صلى الله عليه وسلم
فسأله؟؟؟؟؟؟؟؟؟؟؟؟؟؟؟

عن أسامة بن زيد رضي الله عنهما أنه سأل النبي صلى الله عليه وسلم فقال: يا رسول الله لم أرك تصوم شهر من الشهور ما تصوم في شعبان، فقال صلى الله عليه وسلم : «ذلك شهر يغفل عنه الناس بين رجب ورمضان، وهو شهر ترفع فيه الأعمال إلى الله تعالى فأحب أن يرفع عملي وأنا صائم» .
ياسلام شفتوا اعمال السنه كلها ......... بتترفع لربنا ف الشهر ده
يعنى اعمالى واعمالك فى السنه ربنا هيشوفها
وهيشوف ناجح ولا ساقط فيها وجايب ضعيف جدا كمان
فكان الرسول بيحب يصوم عشان ربنا يشوف الاعمال والرسول صايم
فى حديث تانى اجمل واجمل لحبيبى وشفيعى ان شاء الله سيدنا محمد
(يطلع الله تعالى الى خلقه ليلة النصف من شعبان فيغفر لجميع خلقه الا لمشرك او مشاحن)
يااااااااااه
ياجمال الاسلام يسلام على رحمة ربنا
يعنى ربنا فى الليله دى هيغفر لجميع خلقه ودى من رحمة الغفور الرحيم
الا لاتنين بس
المشاحن طب حد يعرف يعنى ايه مشاحن ؟؟؟؟؟؟؟؟؟
ربنا يكرمك اجابه صحيحه
فعلا يعنى المتخاصم
يعنى مثلا اتنين متخاصمين ربنا مش هيغفر لهم
طب ربنا يكرمك اجرى شوف اخوك وابوك وامك واصحابك حد زعلان منك
طب انت مضايق من حد
اجرى عليه صالحه حتى لو هو غلطان كفايه تكبر
ده انا بقولك ربنا هيغفرلك ذنوبك هى دى حاجه قليله
طب التانى المشرك
وده طبعا اللى مش مسلم بس انت تعرف ان فى حاجه اسمها شرك اصغر
يعنى لماتروح تتمسح فى قبر الحسين والسيده والبدوى والتخاريف دى
ده ما اسمهوش شرك ما انت رايح عشان فلان يتوسطلك لربنا
وربنا مفيش بينك وبينه وسيط ادعى انت بس ومتكسلش ومتكابرش

ربنا يكرمكم على الوقت اللذيذ ده واسأل الله ان يأجركم ويأجرنى على هذا الفعل
انى احبكم فى الله


سبحانك اللهم وبحمدك ................اشهد ان لا اله الا انت.............. اشتغفرك واتوب اليك