ياترى كسبت ولاخسرت؟؟؟؟؟؟؟؟؟

وخلصت الايام الكريمه 

وراحت الايام الجميله 

وقلوبنا تشتاق اليها ونتمنى ان يلحقنا الله بها السنه القادمه 

ويبلغنا رمضان جميعا ان شاء الله

بس ياترى انت استفدت من رمضان؟

فكر كده شويه ........ياترى انا عملت ايه فى رمضان

ياترى فى كااام فجر فات عليا فى رمضان وكااااام صلاة جماعه راحت علينا وكاااااام ليه تهجد راحت علينا

ياترى وصلنا لهدف رمضان وهو التقوى 

لو انت عملت الحاجات دى كلها

عايزين نعرف ياترى مين كسب ومين خسر فى رمضااااان؟

عايز تعرف ربنا تقبل عمل ولا لا ؟

عايز تعرف هل اعتقت فى رمضان ام لا؟

عايز تعرف هل وصلت مع المتقين؟

شوف انت خرجت من رمضان عملت ايه 

للاسف ياجماعه مع اذان مغرب رمضان الشيطان طلع وللاسف عمل عمايله

مثال

انا كنت معتكف فى رمضان طول العشر ايام مع اصحابى 

وكنا بنحط حاجتنا فى المسجد 

ومفيش حاجه اتسرقت اول ما اذان اخر يوم فى المغرب اذن ومع صلاة المغرب 

شبشب صاحبى اتسرق

وانا مروح واللله كمية الشباب اللى بيشربوا خمره وبانجو وحشيش غريبه

ساعتها حسيت فعلا ان شوشو خرج وبكل قوته وعمل خطه تمام

لاحظ

ان شوف بعد اسبوع بعد رمضان تهجدك بقى قليل

صلاتك قلت عن رمضان 

وردك بطلت تقرأه

يبقى قول ان لله وان اليه راجعون 

لكن لو كل حاجه تمام صلاتك 

تهجدك تمام

قرانك تمام

افرح وابسط ياعم انت كده ان شاء الله فى التمام

وربنا قبل منك رمضان ويمكن تكون من المعتقوين كمان

وسائل عمليه للبقاء بعد رمضان

1-احذر صحبة السؤ وعليك بالصحبه الصالحه التى تعينك

2- صلاتك فى المسجد اوعى تسيبها وعض عليها بالنواجس

3-اوعى الاختلاط بالذات بين الطلاب ربنا يكرمك ابعد عن زميلتك وصحباتك 

4- اجعل لسانك رطبا بذكر الله

5- ابعد عن المفسديون شويه وعن المسلسلات والافلام والاغانى

6-عليك بغض البصر 

7- لازم يكون عندك ورد قرانى تقرأه كل يوم

8-حاول متقطعش صيامك تانى يعنى حاول تصوم اتنين وخميس والتلت ايام من الشهر العربى

   واخيرا :

اوعى تنسى صيام ستة ايام من شوال 

قال رسول الله صلى الله عليه وسلم: «من صام رمضان ثم أتبعه ستاً من شوال كان كصيام الدهر»[رواه مسلم وغيره].

واعرف ان رب رمضان هو رب شوال ورب محرم ورب شهور السنه كلها 

وكن عبدا ربانيا لا رمضانيا

واوعى الشيطان يغلبك ويطلعلك لسانه