اخويا وحبيبى (عبد الحميد) بعتلى خبر استفزنى اوى وخلانى كمان شويه هقم اشد فى شعرى
يا جماعه الخبر ده مش تهريج ده بجد والله
والخبر بيقول ان:
يعتزم الاتحاد الاوروبى تزويد الخيول والحمير التى تقيم بصورة دائمة داخل دول الاتحاد الاوروبى ببطاقات هوية الكترونية بداية العام القادم.
وقال بيان صادر عن المفوضية الاوروبية ان هذه الحيوانات سوف تحمل شرائح الكترونية صغيرة مزروعة تحت الجلد.
واضاف البيان انه بمقتضى القانون الذى وافقت عليه الدول الاعضاء في مارس الماضى وأيدته المفوضية الاوروبية اليوم فانه يجب أن تحمل الخيول والحمير التى ولدت في الاتحاد الاوروبى أو
أو استوردت لتقيم بصورة دائمة فيه بعد الاول من يوليو 2009 جواز سفر صادر عن الاتحاد الاوروبى له رقم مميز.
وأفاد أنه يجب اصدار جواز السفر في غضون ستة أشهر من مولد الحيوان ويجب أن تصحبه شريحة الكترونية صغيرة يتم زراعتها في عنق الحيوان ورقم مسجل في قاعدة للمعلومات.
وينص القانون الجديد على أنه يجب حتى على الخيول التى يتم ارسالها للذبح لاستخدام لحومها كطعام أن يكون معها جواز السفر الخاص بها .
ده للحمير يا جماعه والحيونات والله محدش يفتكرها لحد تانى
وده الفرق بينا وبينهم هما دلوقتى بيفكروا فى الحيوانات واحنا عندنا بنتعامل اقل من معاملة البهايم
هناك 34 تعليقًا:
ههههههههههههههههههههههههه
عادى يا عم الحاج
قال يعنى هما خلصوا من البنى ادمين مسكوا فى الحمير
على كده ان شاء الله ممكن يطالبوا بتعليم الحمير وانا فى الجامعه الاقى نفسى قاعد جمب حمار زميلى وممكن اتعرف على حماره ملتزمه واروح الزريبه اطلبها من اونكل جحش
دى حاجه اخر مسخره
ههههههههههههههه
قال بطاقه قال دا انا ماشى من غير كارت تأمين صحى حتى
ههههههههههههههههههه
على كده له حق المطرب اللي بيقول بحبك يا حمار ماهو بقى وسطه بقى
:)
طب ما يدول كل حمار فلوس
ويخلص هو ورقه
المفروض برضه من حقوق الحياوان
انهم يسيبوهم يعتمدوا على نفسهم
:))
أيه ده
على كده الحمير ديه هتاخد معاش أما تكبر
وممكن يطلعولها بطاقة تموين لزوم البرسيم
(حاجه تشل)
بلاش نبص لهم بالطريقه دي
اسم بالله ماعندهم ريحه الانسانيه
دي مجتمعات كلاب صدقني
واحده هناك ف امريكا بتقولي عندنا الكلب بيبقي في مرتبه اكبر من مرتبه الراجل
بهاااااااايم
وعلي فكره كله كلام ع الورق
مافيش زينا في الانسانيه والقلب الطيب
بلاهم ولا تنرفز نفسك
شكلهم بيتمنظرو ...p :D:
شر البلية ما يضحك !!
حبا فى رسول الله
نجتمع دائما معا لنطبق منهجه صلى الله عليه وسلم فى كافة أمور الدين والدنيا فنكن باذن الله خير أمة أخرجت للناس كما وصف الله أمة خير الأنام فهل نكون خير أمة ؟؟
هل نلبى الدعوة لنجمع جهودنا ونصطف معا كالبنيان المرصوص و نشد بعضنا بعضا كلٌ فى مجاله بفكرة أو نصيحة أو مساهمة فعلية
هل نثبت حبنا لرسول الله فعلا لا قولا ؟؟
فالحب أفعال لا أقوال
هلموا معا نجتمع ونتفاعل ونصلح من شأننا كله
حباُ فى رسول الله
http://www.7obnferasolallah.blogspot.com
http://www.facebook.com/group.php?gid=18625528460
http://la3lahakhier-2.blogspot.com/
أرجوا التقفيل على الخبر علشان الحمير بتعونا لو عرفوا هايخرجوا فى مظاهرات ويطالبوا بالمساواه وهانلاقى ظاهرة هجرة الحمير على هناك زادت ومش بعيدحمير منهم يغرقوا فى رحلة الهجرة الطويلة والمفتى بتاعنا يقول عليهم مش شهداء .
ههههههههههه
دا فى اوروبا والدول المتقدمة طيب هناا هيكون اية الحل
الاوروبين دول كدابين
ومش بصدقهم
وربنا يخد امريكا وفرنسا المنحطين ومعاهم الحكومات العربية
هانى يس
لاحول ولا قوة الا بالله
والله على كدة الناس اللى مخها على قدها تعمل نفسها حمير وبهايم ويروحوا هناك اهو على الاقل هيتعملوا احسن من هنا
وهما عندهم الرفقة بالحيوان واحنا عندنا الذبح للانسان
موضوع ينرفز ويجنن
بس هنعمل ايه دول فاضية ومعاها فلوس
المشكلة ان في بني ءادمين عندنا مش بيطلعلهم باسبور!!!
ده فرق تحضر يا فندم!!
تحياتي
بجد موضوع يضحك
ههههههههههههه
الا الصورة الاخير تحفه صعب عليا الحمار قوى للدرجه دى الحموله تقيله
فكرنى بحالنا احنا زى الحمار دة بالظبط
مع خالص تحياتى
هههههههههههه
خبر ضحكني قووووووووي
ناس هايصة وناس لايصة
تحياتي
ههههههههههههههه
لالالالالالالالالالالالالا
خلي بالك
الحمار برده عندنا ليه وضعه ومكانته في المجتمع
شوف الحمار دلوقتي بقي بكام
ده وصل تمنه لاكتر من 1500 جنيه
هما بعد كده عندنا هيعملوله رخصة برقم الشاسيه بتاعه ان شاء الله
ههههههههههه
هههههههههههههههههههههه
زى ما بيحترموا الانسان عندنا فى مصر بالضبط
يعنى بجد هم يبكى وهم يضحك
تصور وصلوا لاية وكمان على مستوى الاتحاد الاوروبى يعنى اجراءات جماعية واحنا مش عارفين فى دولة واحدة نعمل كده للبنى آدميين
لنا الله
تحياتى
لله فى خلقه شئون
هههههههههههههههههه
هو فعلا حاجه تغيظ جدا
بس انت غظتنى اكتر
احنا عارفين اللى فيها
رايح تسيح لينا
وتخلى وجه مقارنه اللى هنا زى حمير بره
اصوت واشد شعرى منك انت
يلا ياسيدى غظتنى ارتحت
كل غيظة وانت طيب
ايه التطور الفظيع ده....يا حلاوة يا ولاد ما خلاص احنا بقينا فى عصر التكنولوبيا
الإسلام سبق هؤلاء وأمرنا بالرحمة بالحيوان والرفق به ..
( دخلت إمرأة النار في هرة حبستها فلا أطعمتها ولا تركتها تأكل من خشاش الأرض )
ودخل رجل الجنة في كلب سقاه ..
وغيرها من الأدلة ..
هههههههههههه ( بحبك يا حمار . و لعلمك يا حمار . أنا بزعل أوي لما حد يقولك يا حمار ) على رأي البطل القومي سعد الصغير
اخي الحبيب اوعي تفكر اسمك عاجبني جدا بس ياريت نفكر في التدوينه ديت شوية-لو فكرت في الموضوع حتلاقي ان دولنا العربية لاتمنح لمواطنيها بطاقات صحية او بطاقات تمويل وظيفي , بيني وبينك لو حد فكر شوية لقال ياليتني كنت ..... في اوربا
لك السلام
يعنى اغنية بحبك يا حمار مش مكفياك يا حاج
دا كدا الحمير وخدا حقها عندنا خااااااالص
دا إحنا وصلنا الى إحنا نغنلها ونشغل أغنيتها فى الأفراح
ههههههههه
تشكر يا حبيبى على البوست الجميل دا
أخووك
حبا فى رسول الله
نجتمع دائما معا لنطبق منهجه صلى الله عليه وسلم فى كافة أمور الدين والدنيا فنكن بإذن الله خير أمة أخرجت للناس كما وصف الله أمة خير الأنام فهل نكون خير أمة ؟؟
هل نلبى الدعوة لنجمع جهودنا ونصطف معا كالبنيان المرصوص و نشد بعضنا بعضا كلٌ فى مجاله بفكرة أو نصيحة أو مساهمة فعلية
هل نثبت حبنا لرسول الله فعلا لا قولا ؟؟
فالحب أفعال لا أقوال
هلموا معا نجتمع ونتفاعل ونصلح من شأننا كله
حباُ فى رسول الله
http://www.7obnferasolallah.blogspot.com
http://www.facebook.com/group.php?gid=18625528460
http://la3lahakhier-2.blogspot.com/
ساهم معنا ولو بوضع إعلان الحملة فى مدونتك
لأ بأه
احنا نتفق بعد كده اللي يجيله حاجة تشل يتشل لوحده انا مش ناقصة انا واحدة موبايلها مسروق ومتلخبطة من غيره مش ناقصاااااااااااااه :)
فكرتني بحمار كنت كل ما اشوفه ف سوق الخضار وانا مروحة ومعدية من جنبه اقول لهبة صاحبتي: الحمار ده ف عنيه نظرة حزن
طبعا هي ما صدقتش نفسها وقعدنا نضحك بس انا كنت حاسة كده
نعم ؟؟؟ فيه حاجة؟؟ انا حرة بأه ما هو كل واحد حر
ححححححححححححححححح
سيبك :) اول زيارة ليك بس والله ما اقصد الدخله اللي فوق دي انا كنت بهزر والله يا سعادة البيه
مها ميهوووو
ههههههههههههه
تمام اوى كده
ربنا يوفقهم ويكملو مسيره البطاقات
ويصدرولنا كميه بطاقات الكترونيه واحنا نستعملها للبشر
هههههههههههه
ضحكتنى والله
اذا كنت انا معنديش جواز سفر
يعنى معنى كده ان الحصان والحمار احسن منى
اكيد طبعا مش مواليد الاتحاد الاوروبى
صحيح ارزاق
موضوع جميل فكر عالي ونسال الله التوفيق دائما
تحياتى اخوك .....ابراهيم
اخي اوعى تفكر
الحمار عندهم لسة حيطلعوا له بسبور ، دول متخلفين جدا عننا ، ليييه؟!!
قلت لييييه؟!
لان الحمار عندنا له اسطوله الخاص اللي بيتحرك بيه ومش محتاج جواز سفر ولا دياولوا وبيسافر زي ماهو عايز ، وما حدش يقدر يساله انت بتعمل كده ليه ..... انت فاهمني ولا وجهة نظري مش واضحة ..
حبة جد بقى : يا سيدي الغرب يعيشوا يوميا في تناقضات عجيبة .
برجيت بردو الممثلة الفرنسية الشهيرة قالت عن المسلمين انهم همج واقامت الدنيا ولم تقعدها لانهم يذبحون الخراف والجمال والبقر في عيد الاضحى ... وفي المقابل ترى انه حق اليهود ان يقيموا دولتهم وان ابادوا الشعب الفلسطيني كله !!!!
هذه حضارتهم ومدنيتهم : العراق وغزة بل فلسطين كلها وافغانستان و...و....
:
قتل امريء في غابة جريمة لاتغتفر ....
وذبح شعب كامل جريمة فيها نظر هذه طريقتهم ، يرون حقا لكلابهم في العيش ولا يرون حقا لغيرهم من البشر في اقل مستويات الكرامة ...؟!!!!!
اسف على الاطالة
دعوة لحضور المناقشة المفتوحة لمدوني الشرقية عبر غرفة شرقاوي اون لاين علي البالتوك ، سيدير حلقة النقاش الاستاذ الدكتور إيهاب إبراهيم استاذ المسالك بكلية الطب وصاحب مدونة فليعد للدين مجده ، وذلك في تمام العاشرة مساء يوم الجمعة 4 يوليو والدعوة لمناقشة موضوعات المدونين المختلفة .
اقرأ المزيد علي شرقاوي أون لاين
http://www.sharkawyonline.com/Articalshow.asp?NewsID=2223&Categories_ID=17
والله ضحكتنا
لكن نرجع ونقول ارتضينا بالذل فكل يوم بنزداد ذل ومهانه
احنا هنا مش عارفيين نأخد حقوقنا وبره مش لاقيين حاجه يعملوها فبيوده للحيوانات جوازات سفر
الله المستعان
السلام عليكم
مهزله... مش اللى هما فيه لالا..اللى احنا فيه
ده احنا ماساويناش عند بلدنا حمار
الواحد بيستغرب لما يسمع الحاجات دى
بجد الحمير هناك فى نعمه
اكل ببلاش ونوم فى مكان محدد وبطايق كمان
ربنا يرحمنا برحمته
جزاك الله خيرا على الموضوع المستفز ده
إرسال تعليق