التاااااااج يتاعى وصل

الحمد لله ادبست فى تاج من اخويا وحبيبى وابن بلدى صاحب مدونه نحن من صنع التاريخ
بسم الله هنبتدى التاااج
أذكر 5 أحلام تخص ماضيك كنت هتتخلى عن إيه فيها و هتتمسك بإيه لحد دلوقتى؟

1-كان نفسى اخش كليه التجاره بس للاسف اتنيلت ودخلت المعهد
2-كنت بحلم ابقى مجاهد واسافر الشيشان
3-كنت بحلم ومازلت احلم انى اشوف مجتمع اسلامى عايش فيه وبيحكمنا
4-كنت بحلم انى اشارك بحاجه اخدم فيها المجتمع واخدم بيها اسلامى
5-كنت بحلم وانا صغير ابقى لعيب كوره(اللى مبعرفش اهببها اصلا)
كل الاحلام اللى فاتت دى انا متمسك بيها لانى مؤمن بيها
ماعدا الحلم الخير طبعا لانى فاشل فيها
اذكر5 احلام تخص مستقبلك وما تتمناه منه؟

1- بحلم ان ربنا يثبتنى ويخلينى انسان صالح
2-بحلم انى اتزوج انسانه صالحه اعيش سعيد معها
3-بحلم ان ابنائى يكونوا مثل نور الدين محمود وصلاح الدين
4-بحلم انى اخلص دراسه واسافر دوله خليجيه اشتغل هناك شغله محترمه فى مجال الاداره
5-بحلم ان احنا نخلص من الفاسدين فى البلد ونرجع تانى لكرامتنا واسلامنا
6-بحلم ان بلدنا الاسلاميه تتحرر وترجع الخلافه الاسلاميه على ايدينا
معلش ان زودت حلم بس دى احلامى الرئيسيه
اذكر شخصين على الاقل متواجدين فى حياتك كنت تتمنى وجودهم من قبلهم؟

1- استاذى الحبيب استاذ سامح الراجل ده ليه فضل عليا كبير
لانى مش عارف من غيره كنت هبقى عامل ايه دلوقتى
الراجل ده تعب معايا كتير واتمنى من ربى ان يجزيه خير على اللى عمله معايا.

2-اخويا وحبيبى فى الله عبد الحميد وده من اخواتى فى الله اللى انا بحبهم
رغم كل اللى بيعمله معايا لانه بجد ساعات لما مضايق بروحله واشتكيله همى
اسأل ان يجمعنا تحت ظل عرش الرحمن يوم القيامه.

3-كل اصحابى واخواتى فى الله اللى أثروا فى حياتى بالايجاب
هخص بذكر أستاذ محمد على واستاذ محمد.السيد واستاذ محمد حسن
وغيرهم وغيرهم ومش هنسى اخويا محمد ومصطفى واللى قبل كل ده امى وابى
وغيرهم اللى مش هيسعنى الوقت انى اذكرهم

أذكر شخصين - على الأقل - غير متواجدين فى حياتك و تتمنى وجودهم مستقبلا فى حياتك و حياة أولادك
1-جدى الله يرحمه اللى انا لسه فاكر لغاية دلوقتى حنانه وطيبته معايا اللى كان معوضنى عن حنان الاب وابويا كان مسافر
لسه فاكر لما كان بيدينى المصروف ولما كان بيعنف امى لما تضربنى

2-خالى حبيب قلبى اللى مسافر الكويت نفسى يرجع واشوفه تانى
على فكره هو فرحه السنه دى ياريت تدعوله
تهدى لمن التاج
sasatifa مدونة احلم معايا
صلطح
صريح اوى
اوعى تخاف
اختكم فى الله
فى النهايه انى احبكم فى الله
وياريت تخشو مدونة ادم ويحيي عشان فى حمله جامده جدا
خاصه باللغه العربيه وواجب انى اذكركم بها