الحزب الطنى اكتسح الانتخابات وكسب بنسبة 90%
مع توقعات بأن يعم البلد الرخاء والسلام وأكل العسل والجلاش
وطلع علينا عموصفوت شريف ان الانتخابات جرت بنزاهه وشفافيه وحياد
وان فوز الحزب الوث.....اقصد الوطنى انه مشرف ويدل على ثقة الناس فى الحزب
وان الشعب طلع واعى و شاطر ومسمعش كلام الوحشين بتوع المحظوره
اللى عايزين يرجعوا الناس لعصور التخلف والظلام
وقد افتى شيخنا وطلع بطلعته البهيه وقال
إنني اؤيد أدلاء الناس بأصواتهم في الانتخابات المحلية لان ذلك شهادة ويجب على كل مواطن ان يؤدي هذه الشهادة )
واشار ان الاسلام بيرفض اى عمل يخرج عن القانون
ربنا يكرمك يا شيخنا يا همام ياللى جايب حقنا كمان وكمان
ومعرفنا الاسلام
ومبعدنا عن الشيطان
ربنا يباركلك كمان وكمان
هناك 23 تعليقًا:
يا راجل ما البلد كلها عارفة
و البلد كلها راحت انتخبت الحزن الوتنى
انا حتى يومها كنت نايم و احتمال اكون انتخبت وانا نايم
ربنا على الظالم
بس لعلمك المفتى ما قالش حاجة غلط
و بعدين هو راجل محترم
سلامى ليك
يا باشا ربنا يقدرك وتصحى من النوم الاول
كمان انا ما اتكلمتش عن المفتى
كلامى عن شيخ الازهر
أنا اللي حيرني في تصريحات "الشريف" يعني إيه شفافية. ونزاهة؟
تحياتي
يوم 4 مايو الاهم في تاريخ مصر
أولا ..مشكور لمرورك لمدونتى وتعليقك....ثانيا...الشهادة اللى يقصدها شيخ الأزهر(ياللى مش فاهم)هى الأستشهاد...وكل الناس طبعا بقت عارفة دلوقتى تستشهد إزاى.؟؟؟مش فى فلسطين ولا العراق ولا لبنان ولا سوريا ولا أى كلام فاضى من ده...الإستشهاد دلوقتى بقى أسهل من البامبرز....كفاية إنك تروح أقرب مخبز لبيتك...وقد أفتى المفتى بأن هذا يسمى(إستشهاد دليفرى)...يعنى لغاية عندك...عايز إيه تانى يا مفترى......سلام
السلام عليكم واحد من البلد
حقيقه انت مدونتك اكتر من رائعه
كمان الحمد لله انك فهمتنى شيخ الازهر قصده ايه حقيقه انا كنت مفترى وكن فاهمه غلط لكن الراجل انا طلعت ظالمه اوى ده طلع عايز يخلينا نخش الجنه
صحيح ياما فى الحبس مظاليم
يا ناس يا شر كفاية قر
ما البلد مستقرة ليه عزعزة الامن القومي كل شوية
ما الناس في حالها و الحكومة في حالها نخلط الامور لييييييه
يارب صبرك يا حكومة
لو شيخ الازهر ماشى
اما المفتى لا لانى بحبة جدا
و بعدين انا اخترت الاسم بتاعى ده
عشان يجرح كل مصرى نايم
اما انا فصاحى جدااااااا
و اديك دخلت البلوج بتاعى و شفت
انى فى قمة الصحيان
هههههههههه
سلامى ليك
و تصبح على خير
لا لا لا
الحزب الوطني لازم يرجع يفوق لنفسه تاني
كدة مستواه تراجع جدا
هو معودنا علي 99.9
امال هيدخل طب ازاي؟
زى أم يحيي ما قالت
أزاى 99% بس ؟؟؟!!!
إخس عليه
خيب ظننا
الحزب الوطنى خد 90%
وده مش معناه ان شعبيته قلت
وازاى نفكر انها قلت طول ما
مارئيسنا الهمام مسكه
ده بس عشان خاطر
انفتح فى البلاد عصر الديمقراطيه
والشفافيه والنزاهه
الانتخابيه
bdيا ام اللى مزور خش اللجنه 7 مرات اهى مره بعمه و مره ببلوزه و فيونكات
مبرووووووووك
ده انا فرحت خالص انه نجح
ده انا كنت حسباله 40% على المذاكره اللى كان بيزاكرها
اكيد الواد غش فى اللجنه مهو عمر ده ميكون مجهوده
انا مش عارفه مراقب اللجنه بيعمل ايه
علطول نايم كده بس مش الغلط كله عليه الغلط برده على رئيس اللجنه
كتر خيرك انك جبت النتيجه ده لسه كنت هبعت الواد برقم الجلوس
انا جبت النتيجه من الكنترول أخت روينا عشان محدش يتاعب نفسه
ويدفع لبواب المدرسه 2جنيه عافيه
غير الحلاوه بتاعت الفراش والداده
والظاهر ان الواد يبقى ابن اخت مدير المدرسه عشان كده بيسيبوه يغش على راحته
يا رب بس بعد كل ده يدخلوه كليه محترمه
مهم لازم يكسبوا
لان مفيش غيرهم ع الساحه
كله بيتلم اول باول
:)
يعنى هم اللى بيعملوا انتخابات وبيرشحوا نفسهم وبينتخبوا نفسهم وبيكسبوا نفسهم
قمة النزاهه والشفافيه....الا يعنى ايه نزاهه وشفافيه
مااااعلينا...في كلمات كتير مش لازم نعرفها ف البلد دى...عشان نفسوياتنا متتعبش فوق ماهي تعبانه
حسبنا الله
تحياتى
السلام عليكم
اول زيارة وساتابع باذن الله
انما قولي استفسار هو يعني ايه رخاء ويعني ايه شفافية:)
تحياتي
ممكن ترفع تاكيد اللكلمة من التعليق؟
السلام عليكم
لا لا لا الحرب الوطنى ناجح بنسبة 120 % اصل اللى سقطوا كمان كانوا حزب وطنى
هههههههههههههههههههههههههههههههههههههه
والله الحزب ده أنا مكسوفاله..:$
بس هقول ايه .. إذا لم تستحى ففعل ماشئت .. محدش دخل المدارس ولا للجان وكله بالصور وبجاحة وصلت لانهم يطلعو نتيجة ..
طيب حتى حفاظا على ماء الوجه يقولوا 80% أو 70% وأهو كده كده المجلس لهم فى الاخر .. ربنا يصبرنا عليهم ويخلصنا منهم على خييييييير
اهو ده الغباء اللى بعينه انهم يكتسحوا الانتخابات بالتزكيه
سبحان الله يعنى الاول كانو بينزلوا
مستقلين من عندهم كأن فى تنافس يعنى
إنتخابات إيه
هما سمحو لحد يترشح أصلا
الغريب إنهم يخرجون علينا بتصريحات وتفسيرات
لي قصيده بعنوان يا دكتور مصطفي يا ملمع
لها علاقه بالإنتخابات تبعهم
يشرفني زيارتكم لمدونتي
matpool..maktoobblog.com
والإستماع إلي شعري علي يو تيوب
youTube-khafagyah's channel
الشاعر الكبيرررررر احمد خفاجى
انا سمعت شعرك وهو عظيم جدا
بس انا معرفتش اسيبلك تعليق
لانى تقريبا فى مشكله عندك من ناحية التعليقات
شاركني الصراخ http://kalamser.blogspot.com/
إرسال تعليق