السبت، 31 مايو 2008

خلصنا الملحمه!!!!!!!!!!!

واخيرا وبعد طول الغياب
وبعد الارف والعذاب
خلصنا الامتحان
خلصنا ام المعارك
خضنا فى الاول
معركة النت: والحمدلله كانت معركه زى الفل حيث هزمنا الاعداء هزيمه منكره
المعركه التانيه:
كانت معركة النظم:ودى كانت معركه سهله حيث خلصنا على العداء بكل سهوله
المعركه الثالثه
التسويق: وخلصنا على المعركه دى فى وقت قياسى فى نصف ساعه فقط
المعركه الرابعه
الرياضه الماليه: ودى كانت ام المعارك حيث تغلب علينا الاعداء وحاصرونى فى لجنة المتحان
المعركه الخامسه
الاحصاء:ودى قدرت فيها اجمع قواتى ودربتهم كويس والحمد لله ربنا وفقنى
المعركه السادسه
economic:ودى كانت معركه حاسمه والحمدلله اتبهدلننا فيها وطلع عينا
واتهزمت هزيمه ساحقة ماحقه وربنا يستر ومشلهاش

بس كده خلصت المعارك وذهبت ايام المذاكره بدون رجعه لمدة شهرين او اكثر
وادعولى ربنا يوفقنى ويوفقكم والنتيجه متطلعش او تولع ان شاء الله




الثلاثاء، 6 مايو 2008

وداعا لعالم التدوين




انا بكلمكم وانا فى اخر اللحظات
قبل ما امى تشيل الكمبيوتر
عشان خاطر الامتحانات
بعد ما لاحظت فى الاونه الاخيره
انشغالى عن المذاكره بالكمبيوتر والمدونات
المهم امى اديتنى علقه محترمه
وقالتلى والله لأشيل الزفت ده
لكنى رجوتها على انى اكتبلكم
رسالة وداع
رساله ليكم اودعكم فيها
قبل ما يحصل اللى هيحصل
ان شاء الله انا امتحاناتى
هتبتدى يوم 18 مايو
وهخلص يوم 29مايو
ياريت دعواتكم معايا
اقابلكم ان شاء الله يوم الخميس 29 مايو
والسلام عليكم ورحمة الله وبركاته

الجمعة، 2 مايو 2008

يوم 4 مايو!!!

يوم 4 مايو
لازم نلبس اسود
يوم 4 مايو
يوم ميلاد اللى وكلها
يوم 4 مايو
لازم نضرب
ألبس أسود وده دعوتنا
ولازم نحافظ على بلدنا
يوم 4 مايو
اخبار اهرام جمهوريه
قاطعوهم دول ضحكوا علينا وعلى عيلنا
يو 4مايو
يوم الفرقان
يوم 4 مايو
لازم نلبس اسود
متنساش
ألبس اسود
......................................